PAALALA LANG KAIBIGAN

Isang paalala para sa akin at para sa aking mga mahal na kaibigan na di maunawaan kung bakit pinahintulot ng Dakilang Maylikha ang mga kaganapan na di inaasahan - mapait, masakit, madilim na mga panahong ayaw nating balikan. Dalangin kong mapagtagumpayan nating lahat ito at matutunang Sya ang may hawak ng lahat ng buhay, pangyayari, at kinabukasan.

Kaibigan, anuman ang iyong pinagdadaanan,

Nawa’y iyong pakatandaan at isa-alang-alang,

Mahal ka ni HESUS, di ka Nya iiwan,

Batid Nyang lahat, handa ka Nyang tulungan.

Sa lahat ng pagsubok, Sya’y ating sandigan,

Pagkat maawain Sya, mapagmahal at puno ng kahabagan,

Sa krus ng kalbaryo, ito’y Kanyang pinatunayan,

Pasakit, pang-aapi, mga sakripisyo lahat Nya’y pinasan.

Manampalataya’t manalig sa Kanyang kapangyarihan,

Angkinin ang tagumpay, buhay na may kasaganaan,

Kay Hesus ituon, buong puso, isip at kalakasan,

Sya’y sapat, di ka mabibigo at di ka magkukulang.  

Pagpalain ka ni Hesus Mahal kong kaibigan...

by gpmendoza April 2009